ПАРЛАМЕНТ САЙЛАУЫ-2023

Серік Бейсембаев: Авторитар жүйеге кез келген азаматтық мобилизация – қауіп

PaperLab зерттеу ұйымының жетекшісі, әлеуметтанушы Серік Бейсембаев 2023 жылы негізгі саяси оқиғалар жөнінде сауалнама жүргізіп, қоғам пікірін зерделегенін айтады. Азаттыққа берген сұхбатында ол авторитаризмнің түрленгенін, бірақ негізгі қасиетінен айнымағанын айтады.

Марат Жыланбаев сотталды – AzatNEWS | 29.11.2023

Марафоншы, азаматтық белсенді Марат Жыланбаев 7 жылға сотталды. Істі жабық қараған судья үкімді онлайн оқыды. || Марат Жыланбаевтың соты мен оған шыққан үкімді қоғам әртүрлі қабылдады. || Петропавлда сепаратизм бабы бойынша күдікке ілінген адамдар ұзақ жылға сотталды.

Украина шабуылы, түтін басқан Астана, құмға көмілген ауыл - AzatNews | 19.06.23

Астана қаласын дүйсенбі күні түтін тұмшалады. || Украинадағы соғысты қолдаған кремльшіл әнші Григорий Лепстің Қазақстанға келуіне қоғам қарсылығынан соң оның Қонаев қаласында жоспарлаған концерті өтпейтін болды. || Ақтөбе облысында Жылтыр ауылы құм құрсауында отыр.

Сайлаудағы заңсыздық, Назарбаев активтері. "Халық парламентінің" алғашқы жиыны қалай өтті?

Алматыда мәжіліс пен мәслихатқа өтпей қалған кандидаттар мен азаматтық белсенділерден құралған "Халық парламентінің" алғашқы жиыны өтті. Жиында жұрт 19 наурыздағы сайлауды заңсыз деп тануды, оны қайта өткізуді талап етті.

"Бәз баяғы спикер, бұрынғыдан айырмашылығы аз парламент"

Қазақстанда 200-ден астам адам қаза тауып, жүздеген кісі жараланған, қамауда азапталған қанды Қаңтардан кейін бір жылдан астам уақыт өткенде жаңадан сайланған парламенттің сессиясы ашылды. Мәжілістің жаңа құрамы елде "сайлау әділ өткен жоқ" деген наразылық айтылып жатқан шақта іске кірісті.

"Ақорда іріктеген депутаттар". Мәжілістің жаңа құрамынан не күтеміз?

Кезектен тыс мәжіліс пен мәслихат сайлауының нәтижесінде парламентке билікке адал алты партия өтті. Мәжілістегі 40 орын "Аманат" партиясының өкілдеріне тиді, 29 депутат қалған бес партиядан сайланды. Сайлауда өзін-өзі ұсынған кандидаттардың да көбі "Аманат" партиясының мүшелері болып шықты.

"Бұл сайлау – тоталитаризмге жол". Сайлауда бақылаушы болған белсендінің әңгімесі

Парламентті сайлауда бақылаушы болған Oyan, Qazaqstan қозғалысының белсендісі сайлау әділетсіз өтті деп, пикетке шықты. "Сайлаудағы заңсыздықтарды өз көзіммен көрдім" деген ол бұған көз жұмып отырған билікке наразы.

Бір аптадан асса да, бақылаушылар сайлау хаттамасын алмаған

Қазақстанда мәжіліс пен мәслихат сайлауының нәтижесіне байланысты дау әлі де басылмай тұр. Тәуелсіз кандидаттар мен бақылаушылар бүгінге дейін хаттама ала алмай жүргеніне шағынады. Бірақ Орталық сайлау комиссиясы мұны мойындамайды.

"Хаттаманы өзгертіп, сыртымыздан қол қойды". Сот сайлау бұрмаланғанын айтқан кандидаттың талабын орындамады

Шымкент қалалық мәслихат депутаттығына кандидат Сәбит Байбосынов аумақтық сайлау комиссиясын "хаттамадағы деректерді қолдан өзгертті" деп айыптады. Сайлау қорытындысы бұрмаланғанын учаскелік және округтік сайлау комиссияларының мүшелері де растады. Бірақ сот кандидаттың талабын қанағаттандырмады.

"Ашық бұрмалау". Кандидаттар сайлаудағы заңбұзушылықтар туралы дәлел жинаса да, сотқа сөзін өткізе алмай отыр

Өзін-өзі ұсынған екі үміткер сайлаушылар дауысына қалай таласты?

19 наурызда өткен мәжіліс пен мәслихат сайлауына қатысты дау толастар емес. Сайлауға өзін-өзі ұсынған кандидаттар қатысып, билік мұны "демократияның белгісі" деп түсіндірген. Дауыс беруден кейін бірнеше қаладағы өзін-өзі ұсынған кандидаттар сайлау нәтижесі бұрмаланғанын, тәуелсіз бақылаушылар заңбұзушылықтар болғанын айтты. Осындай өңірлердің бірі – Батыс Қазақстан облысы. Онда журналист пен заңгер арасында тартыс туды.